Po rritet Çmimi i blerjes së duhanit, po intensifikohen investimet në industrinë e duhanit

Data e botimit: 17 janar 2018

Çmimi mesatar i blerjes së duhanit nga vjelja e vitit 2017 arriti në 212.7 denarë për kilogram. Grumbullimi i duhanit është në fazën përfundimtare dhe pritet të përfundojë deri në fund të muajit. Deri më tani sipas të dhënave nga Ispektorati Shtetërorë për Bujqësi, janë  grumbulluar më tepër se 19.4 milion kilogramë duhan me vlerë rreth 60 milionë euro. Duhani këtë vit është me kualitet të lartë. Te kompanitë ka interes për blerje dhe tash për tash nuk ka probleme ne lidhje me vlerësimin e klasifikimit. Prodhimi i duhanit është një kulturë strategjike e Republikës së Maqedonisë, me eksporte me vlerë 100 milionë euro në vit. Mesatarisht, blerja e duhanit në vit është rreth 25 milionë kilogramë, me vlerë mbi 80.5 milionë euro.

Tendenca e Qeverisë është rritja e kërkesës së duhanit duke rritur konkurrencën në treg përmes hyrjes së blerësve të rinj në tregut dhe investimeve në industrinë e duhanit, e cila në fund të fundit do të ndikojë në rritjen e çmimit të blerjes së duhanit.

Në fund të vitit të kaluar, kompania britanike amerikane e duhanit (BAT) investoi 13 milionë euro në Maqedoni, një shumë e investuar në TDR SKOPJE DOOEL Shkup, nëpërmjet "British American Tobacco", që operon në tregun maqedonas.

Qëllimi i investimit është të konsolidojë dhe zhvillojë biznesin e saj, të forcojë pozicionin e tregut dhe të hapë punë të reja direkte dhe indirekte në kompanit në Maqedoni.
Nga kompania theksojnë  se janë të kënaqur me rezultatet e deritanishme të  punës në Maqedoni, meqë vërejnë vazhdimisht një rritje në pjesën e tregut të Maqedonisë.

Për Maqedoninë, investimi përveç krijimit të vendeve të reja të punës, do të kontribuojë në pozicionimin e suksesshëm në tregut rajonal.
"British- Amerikan Tobako" në  vitin 2015 e bleu kompania kroate "Tvornica duhana Rovinj" . Është një nga kompanitë udhëheqëse multinacionale të duhanit në botë, që shet markat e saj në më shumë se 200 tregje në mbarë botën. Kjo kompani nga Maqedonia blen duhan, por jo përmes kompanisë maqedonase, por nga kompanitë që blejnë duhan nga prodhuesit kryesorë.